Mae Zane yn 15 mlwydd oed ac mae aelodau o’i deulu ‘normal’ yn cael eu heffeithio’n fawr gan gyflyrau iechyd meddwl; chwaer ym mlwyddyn 12 wedi’i pharlysu gan ofn, mam dan straen, chwaer fach yn gaeth i gyfryngau cymdeithasol, brawd bach sy’n methu stopio llefain, a thad folcanig sydd ar fin ffrwydro. Meltdown yw hanner canfed cynhyrchiad gwreiddiol Zeal Theatre o Awstralia, ac unwaith eto mae’n cyfuno actio aml-gymeriad deinamig, cerddoriaeth fyw a chomedi.