Dewch i gwrdd â Fred, y pyped brethyn dwy droedfedd o daldra sy’n brwydro yn erbyn rhagfarn bob dydd. Mae e eisiau bod yn foi ‘arferol’, yn rhan o’r byd go iawn, eisiau swydd a chwrdd â merch, ond wrth iddo wynebu colli ei PLA (Puppetry Living Allowance), mae bywyd Fred yn dechrau mynd y tu hwnt i reolaeth. Dyma gynhyrchiad a brofodd lwyddiant ysgubol yn yr Edinburgh Festival Fringe 2016, ac mae wedi teithio’n helaeth ers hynny. Mae’r perfformiad yn cynnwys iaith gref a noethni pypedau.